ప్రసిద్ధ కథా రచయిత.. సాహితీ వేత్త.. " కేతు విశ్వనాథరెడ్డి" !!

ప్రసిద్ధకథారచయిత..సాహితీవేత్త.. "కేతు విశ్వనాథరెడ్డి"

★ కేతు విశ్వనాథ రెడ్డి ప్రసిద్ధ సాహితీవేత్త మరియు విద్యావేత్త. ఈయన ప్రధానంగా కథారచయితగా ప్రసిద్ధుడు. కేతు విశ్వనాథ రెడ్డి కథలు అనే కథా సంపుటికి 'కేంద్ర సాహిత్య అకాడమీ అవార్డు' పొందాడు.

*■ఇతను జూలై 10,1939న వైఎస్ఆర్ జిల్లా  కమలాపురం తాలూకా రంగశాయి పురం గ్రామంలో జన్మిం చాడు.*

*🍥విద్యాభ్యాసం, వృత్తి..*

■ కడపజిల్లా గ్రామనామాలు అనే అంశంపై పరిశోధనకు గాను డాక్టరేట్ పొందాడు. పాత్రికేయుడుగా ఉద్యోగజీవితాన్ని ప్రారంభిం చి కడప, తిరుపతి, హైదరాబాదు  లాంటి చోట్ల అధ్యాపకుడుగా పనిచేసి డా. బి.ఆర్. అంబేద్కర్ సార్వత్రిక విశ్వవిద్యాలయం లో  డైరెక్టరుగా పదవీవిరమణ చేశాడు.

*★పాఠ్యపుస్త కాల రూపకల్పనలో SCERT సంపాదకుడుగా వ్యవహరించాడు. పాఠశాల స్థాయినుంచి విశ్వవిద్యాలయస్థాయి దాకా అనేక పాఠ్యపుస్తకాలకు సంపాదకత్వం వహించాడు. పాఠ్యప్రణాళికలను రూపొందిం చాడు.*

*🍥సాహిత్య రంగం..*

■ ఈయన తొలి కథ పునాదిరాళ్ళు1963లో  సవ్యసాచిలో ప్రచురితమైంది. కొడవటిగంటి కుటుంబరావు సాహిత్య సంకలనాలకు సంపాదకత్వం వహించాడు.'విశాలాంధ్ర తెలు గు కథ 'సంపాదక మండలికి అధ్యక్షుడుగా ఉన్నాడు. కొన్నేళ్ళు అరసం (అభ్యుదయ రచయితల సంఘం) అధ్యక్షుడుగా ఉన్నాడు.

*★ ఈయన రాసిన సాహితీవ్యాసాలు "దృష్టి" అనే పేరుతో పుస్తక రూపంలో వచ్చాయి. జప్తు, కేతు విశ్వనాథరెడ్డి కథలు మరియు  ఇచ్ఛాగ్ని అనే మూడు కథలసంపుటాలు కూడా వెలువడ్డాయి. ఆధునిక తెలుగు కథా రచయితల్లో Torch bearers అనదగ్గ ప్రసిద్ధుల గురించి ఈయన రాసిన మరో పుస్తకం 'దీపధారులు'. ప్రస్తుతం "ఈభూమి" పత్రికకు సంపాదకుడుగా పని చేస్తున్నాడు. జప్తు, ఇచ్ఛాగ్ని, కేతు విశ్వనాథ రెడ్డి కథలు (1998-2003) కథా సంపుటులు కూడా వెలువరించాడు. ఈయన కథలు అనేకం హిందీ,కన్నడం,మలయాళం,బెంగాలీ, మరాఠీ,ఆంగ్లం,రష్యన్ భాషల్లోకి అనువాదిత మయ్యాయి.*

*■ వేర్లు, బోధి ఈయన రాసిన నవలలు. 'వేర్లు'రిజర్వేషన్లకు సంబంధించి క్రీమీలేయర్  మీద వెలువడిన మొట్టమొదటి  నవల. విశ్వనాధరెడ్డి, పోలు సత్యనారాయణ ఇద్దరూ కలసి 'చదువు కథలు'అనే కథలసంపుటిని సంకలనం చేశారు.*

*🍥పురస్కారాలు..*

*◆ కేంద్ర సాహిత్యఅకాడెమీ అవార్డు(డిల్లీ)*
◆ భారతీయ భాషా పరిషత్తు (కలకత్తా),
◆తెలుగు విశ్వవిద్యాలయం (హైదరాబాదు),
◆రావిశాస్త్రి అవార్డు,రితంబరీ అవార్డులు.
◆విశ్వవిద్యాలయ అధ్యాపకులకు రాష్ట్ర ప్రభుత్వంఇచ్చేఉత్తమ అధ్యాపక పురస్కారం.

🍥వివిధ పత్రికలలో ప్రచురితమైన వీరి కథలు కొన్ని...

1991 కేతు విస్వనాథరెడ్డి కథలు....... ఆంధ్రజోతి వార పత్రిక.1975 ద్రోహం. విశాలాంధ్ర దిన పత్రిక.1977 ఆత్మ రక్షణ. వీచిక మాస పత్రిక.1977 మన ప్రేమకథలు.ఆంధ్రజ్యోతి మాస పత్రిక.
1978 విశ్వరూపం స్వాతి మాస పత్రిక.1979 ఆరోజులొస్తే... నివేదిత మాస పత్రిక.1980 పీర్ల సావిడి. స్వాతి మాస పత్రిక.1991 ఎస్.2 బోగీలు. ఉదయం వార పత్రిక.1997 ఒక జీవుడి ఆవేదన. ఆదివారం ఆంధ్రభూమి.2001 కాంక్ష రచన మాస పత్రిక.2003 అమ్మవారి నవ్వు. ఇండియా టుడే.

*🍥ఇతరుల ప్రతిస్పందనలు..*

● ఆ 'జప్తు' కథలో భాష మా ప్రాంతానికి చెందిందికాదు. అందులోని విచిత్రమైన గ్రామం మాసీమకు చెందిందికాదు. కాని ఆగ్రామీణ జీవితంలో అక్కడి రైతుల సమస్యలతో, స్వభావాలతో మా ప్రాంత జీవితానికీ, రైతు సమస్యలకూ దగ్గరతనం కనిపించింది. ఈ రచయిత ఎవరో కట్టుకథలు కాకుండా పుట్టుకథలు రాసే వారనిపించింది.
            *-కాళీపట్నం రామారావు(కారా)*

●1960 నుంచి ఒకపాతిక, ముప్పైయేళ్ళ కాలవ్యవధిలో ఒక నిర్దిష్ట మానవ సమాజంలో వచ్చిన మార్పులన్నింటినీ ఆయన కథలు రికార్డు చేశాయి. *-మధురాంతకం రాజారాం*

● విశ్వనాథరెడ్దిగారి కథల్లో-కథౌండదు-కథనం ఉంటుంది.ఆవేశంవుండదు-ఆలోచనవుంటుం ది. అలంకారాలుండవు-అనుభూతివుంటుం ది;  కృత్రిమత్వంవుందదు-క్లుప్తతవుంటుంది. కథకుడిగా తెలుగు సాహిత్యంలో విశిష్ట స్థానం విశ్వనాథరెడ్దిగారిది *-సింగమనేని నారాయణ*

● సానుభూతితో, మానవతావాదంతో, వర్గచైతన్యంతో, స్త్రీపాత్రలను సృష్టించటం దగ్గర మొదలై లింగవివక్షనూ, స్త్రీల అణచివే తనూ అర్థం చేసుకొని ఆ దృష్టితో స్త్రీ పాత్రల ను రూపొందించేంత వరకూ ఒక గుణాత్మక పరిణామ ప్రయాణం చేశారు  *-ఓల్గా*

             🍃🌸🤗🌸🍃